لەبەر ئەم پێنج هۆکارە رۆژانە گیراوەی ئاو و لیمۆ بخۆرەوە

AM:08:49:24/06/2022

19320 جار خوێندراوەتەوە

لیمۆ جگە لە تامە خۆشەکەی کە بە خواردن و زەڵاتەی دەبەخشێت، لە هەمان کاتدا ئەگەر لەگەڵ ئاو تێکەڵ بکرێت کرداری هەرس باش دەکات و پێست بە جوانی دەهێڵێتەوە.

روسیا تودەی لە بابەتێکی تەندروستیدا نوسیوویەتی، گوشراوی لیمۆ کە تێکەڵ کرابێت لەگەڵ ئاو رۆژانە کوپێک لەم گیراوەیە بخورێتەوە ئەم سوودانە بە جەستە دەبەخشێت:

یەکەم: بەهۆی دەوڵەمەندنی بە ڤیتامین سی، دڵەکزێی گەدە ناهێڵێت و کرداری هەرس باش دەکات.

دووەم: مەترسی دروستبوونی بەردی گورچیلە کەمدەکاتەوە، بەهۆی ئەو ترشەی تێیدایە کۆبوونەوەی کالسیۆم لە جەستەدا کەمدەکاتەوە.

سێیەم: بۆ تەندروستیی جەستە بە گشتی باشە و بەشێداریی دەیهێڵێتەوە.

چوارەم: ڤیتامین سی و ترشی ئەسکۆربیکی تێدایە کە یارمەتیدەرێکی باشن بۆ چارەسەرکردنی گرفتەکانی پێستی روخسار، پیربوونی پێشوەختە و چرچری روخسرا ناهێڵن.

پێنجەم: یارمەتیدەری باشە بۆ دابەزینی کێشی جەستە، چونکە هەستیی تێری بە گەدە دەبەخشێت.

ئ.ل