چی بەسەر جەستەت دێت ئەگەر مشتێك گوێز بخۆیت؟

PM:04:15:23/06/2022

30420 جار خوێندراوەتەوە

بەگوێرەی وتەی بەشێك لە زانایان خواردنی یەك مشت گوێز لە ڕۆژێکدا ڕێگە لە گەشەی نەخۆشییەکانی دڵ و شێرپەنجەی هەناو دەگرێت.

ماڵپەڕی ڕوسیا تودەی لە بابەتێکدا بڵاویکردووتەوە، زانایان ئاماژەیان بەوەداوە کە کاریگەری ئەرێنی گوێز پاش شەش هەفتەی بەردەوام لە خواردنی دەردەکەوێت.

هەموو ڕۆژێك خواردنی مشتێك گوێز بۆ ماوەی شەش هەفتە دەبێتە هۆی دابەزینی بڕی ترشە چەورییە زەردەکان کە لە هەناودا دروستدەبن و مەترسی تووشبوون بە شێرپەنجەی هەناو زیاتر دەکەن.

ئەو ترشانە لەلایەن بەکتریاکانی هەناوەوە دروستدەکرێن و دەبنە هۆی لێكهەڵوەشانی خانەکانی کۆئەندامی هەرس، بۆیە خواردنی مشتێك گوێز ڕۆژانە ژمارەی ئەم بەکتریایانە کەمدەکاتەوە، هەروەها ڕیشاڵەکانی ناو گوێز بە خواردنێکی باشی بەکتریای بەسوود دادەندرێت لە هەناودا و وادەکات زیاد بکات بەمەش ژمارەی بەکتریا زیانبەخشەکان کەمدەبێتەوە، بەمەش تەندروستی دڵ و گەدە و هەناو باشتر دەبێت.

هەروەها بەگوێرەی وتەی پسپۆڕان، خواردنی ٣٠ گرام گوێز لە ڕۆژێکدا ڕێگە لە مردنی پێشوەخت دەگرێت بەهۆی نەخۆشییەکانی دڵ و دەمارەکان بەڕاددەی %٥٥، هەروەها مەترسی مردن بەهۆی شێرپەنجەی هەناوەوە کەمدەبێتەوە بە ڕاددەی %٤٥.