قەبزی یەكێكە لەو
حاڵەتانەی كە مرۆڤ توشی نیگەرانی و بێزاری
دەکات ئەگەر زوو زوو دووبارە ببێتەوە ئەوا دەبێت چارەسەر بکرێت.
ماڵپەڕی"العربیة"لە بابەتێكدا
ئاماژەی بە حاڵەتی قەبزی كردووە كە هۆكاری دروستبوون و چۆنییەتی چارەسەركردنی خستۆتەڕوو،
هەرچەندە دروستبوونی قەبزی حاڵەتێكی ئاساییە، بەڵام دەتوانرێت بە چەند هەنگاوێكی
سادە ڕێگری لێبكرێت.
یەکێك لە
سادەترین رێگەکان بۆ چارەسەری قەبزی بریتییە لە خواردنی شۆربا و خواردنەوەی شلەمەنی
زیاتر، هەروەها خواردنی میوە و سەوزە زۆر پێویستە چونكە سەرچاوەیەكی سەرەكین بۆ دەستكەوتنی
ڕیشاڵەكان.
هەروەها پێوستە
كەسی توشبوو بە قەبزی خۆی لە برسێتی درێژخایەن بەدووربگرێت و گەدەی بەتاڵ نەبێت، هەروەها
ئەنجامدانی وەرزش زۆر پێویستە لەكاتی قەبزیدا، چونكە هاوكاری جوڵەی ڕیخۆڵەكان دەدات.
لەگەڵ
ئەوانەشدا خواردنی هەڵوژەی وشك، یاخود خواردنەوەی كوپێك قاوە زۆر باشن بۆ ڕزگاربوون
لە قەبزی.