نانی بەیانی یەکێکە لە ژەمە سەرەکییەکانی ڕۆژ و گرنگی تایبەتی هەیە بۆ جەستە، لە کۆمەڵێک نەخۆشی دوریدەخاتەوە و تەواوی ڕۆژەکەش هەست بە چالاکی و وزە دەکەیت.

ماڵپەڕیhealthline لە بابەتێکدا ئاماژەی بەزیانەکانی نەخواردنی نانی بەیانی کردووە کە بیرتین لە:

یەکەم:دەبێتە ھۆی کەم خۆراکی و کەم خوێنی، بەتایبەتی ئەو نەخۆشیانەی لەئەنجامی کەمی پێکھاتەی ترشی فۆلیک و خوێن و کانزا بڵاودەبێتەوە بەرھەمی چالاکیەکانی جەستە کەم دەکاتەوە.

دووەم: دەبێتە ھۆی نەخۆشی شەکرە و بەرزبونەوەی پەستانی خوێن و نەخۆشییەکانی دڵ و بەرزبونەوەی کۆلیسترۆڵ و چەوری دڵ و جەستە.

سێیەم: دەبێتە ھۆی پوکانەوەی مۆخ، چونکە بڕی پێویست خۆراک ناگات بە شانە و خانەکان ئەمەش ھۆکارە بۆ کەمبونەوەی توانای ئەو کەسە بۆ ئەنجامدانی کارەکانی.

چوارەم: بەھۆی زیادبوونی رێژەی شەکر و پەکخستنی مژینی پڕۆتین و ماددەی خۆراکی بۆ گەشەی مێشک لە ئەنجامدا دەبێتە ھۆی رەقبونی دەمارەکانی مێشک و مەترسی توشبوون بە جەڵتەی مێشکی لێدەکەوێتەوە.

پێنجەم: هۆکارە بۆ زیادبوونی کێشی جەستە بەهۆی ئەوەی ئارەزووی خواردنی لە ژەمەکانی تردا زیاددەکات.

شەشەم: گرفتەکانی پێست زیاد دەکات و نیشانەکانی پیری خێراتر دەردەکەون.

ئ.ل