لەگەڵ گۆڕانی وەرزەکاندا چەند گۆڕانێك لە کەشوهەوادا روودەدەن و لە ئەمساڵدا خۆڵبارین یەکێکە لە دیاردە باوەکانی کەشوهەوا کە بەڕاددەیەکی زۆر هەرێمی کوردستانی گرتووەتەوە.

بۆ خۆپارێزی لە کاریگەرییەکانی خۆڵبارین و کەمکردنەوەی زیانەکانی بۆ کەمترین راددە ماڵپەڕی " مجلة هي" ئاماژەی بە چەند رێنماییەکی گرنگ کردووە کە دەبێت هەموو کەسێك جێبەجێیان بکەن، دیارترینیان ئەمانەن:

- لە شوێنی داخراودا بمێنەرەوە و دەرگا و پەنجەرەکان بە تەواوەتی دابخە، مەهێڵە خۆڵ دزە بکاتە ناوەوە.

- لە حاڵەتێکدا ناچاربووی بچیتە دەرەوە تا دەتوانیت کەمتر لە دەرەوە بمێنەرەوە و بچۆرە شوێنی داخراو، باشتروایە چاوەڕێ بکەیت تا شەپۆلەکە کەمدەبێت ئینجا بچیتە دەرەوە.

- تا دەتوانیت کەمتر لەدەرەوە بمێنەرەوە ، لوت و دەمت داببپۆشە، ئەگەر دەمامکت لەلا نەبوو دەتوانیت کلێنسێکی تەڕ بخەیتە سەر دەمولوتت.

- بەبەردەوامی ئاو بخۆرەوە بۆئەوەی پارێزگاری لە شێداری جەستەت بکەیت.

- ئەو کەسانەی هەستیارییان هەیە دەتوانن دەرمانی هەستیاری بەکاربهێنن.

- ئەوانەی چاویان هەستیارە دەبێت چاویلکەی پارێزەر بەکاربهێنن و زوو زوو چاویان پاك بکەنەوە و رێگە لە وشكبوونەوە و تووشبوونی بە هەستیاری بگرن.