هەنگی دونیا یەکێکە لە میوە دەوڵەمەندەکان بە ماددە خۆراکییە گرنگەکان کە کۆلیسترۆلی خوێن دادەبەزێنێت و ئەگەری تووشبوون بە نەخۆشییە مەترسیدارەکانی وەك شێرپەنجە کەمدەکاتەوە.

دکتۆر کامه‌ران رسوڵ ژاژڵه‌یی پسپۆڕی زانستی خۆراک ئاماژەی بە گرنگترین سوودەکانی هەنگی دونیا کردوە کە دیارترینیان ئەمانەن:

١. پاراستنی ته‌ندروستی چاو و به‌هێزکردنی بینین و خۆپاراستن له‌ شه‌وکوێری و نه‌خۆشی پوکانه‌وه‌ی هه‌ندێک خانه‌ی بیلبیله‌ی چاو له‌ به‌ساڵاچووه‌کان دا چونکه‌ دوڵەمەندە بە ڤیتامین ( A ) .

۲. خۆپاراستن له‌ نه‌خۆشی دڵ وه‌ک جه‌ڵته‌ی دڵ و نه‌خۆشی ته‌سک بوونه‌وه‌ی خوێنبه‌ره‌کان له‌گه‌ڵ دابه‌زینی کولیستڕۆڵی خراپ له‌ خوێن دا.

۳. به‌هێز کردنی کۆئه‌ندامی به‌رگری له‌ش .

٤ . چاره‌سه‌ری قه‌بزی و ڕێگه‌ گرتن لێی و چالاک کردن و پاککردنه‌وه‌ی ڕێخۆڵه‌ له‌ مادده‌ ژه‌هراویه‌کان و که‌مکردنه‌وه‌ی غازات.

٥ . یارمه‌تی دابه‌زینی کێش ده‌دات له‌ کاتی ڕێجیم له‌گه‌ڵ خۆپاراستن له‌گه‌ڵ قه‌ڵه‌وی بەهۆی کاراکردنی پڕۆژەی میتابۆلیزمی جەستە.

٦ . یارمەتی خۆپاراستن لە تووشبوون بە نەخۆشی شەکرە جۆری دووەم ، هەروەها یارمەتی کۆنتڕۆڵ کردنی ئاستی شەکرەیخوێن.

٧ . پاراستنی ته‌ندروستی پێست و گه‌ش بوونه‌وه‌ی و ڕێگری کردن لە دەرکەوتنی چرچ و لۆچ و خاڵ و زیپکه‌ و سیسی ده‌م و چاو و بەهێزکردنی مووەکانی قژ .

٨ . خۆپاراستن له‌ نه‌خۆشی نه‌رم بوونه‌وه‌ی ئێسک .

٩ . یارەمەتی خۆپاراستن له‌ چه‌ندین جۆری شێرپه‌نجه‌ به‌ هۆی دەوڵەمەندی بە ماددە دژە ئۆکسانەکانەوە .