زەعفەران یەکێکە لەو بەهاراتانەی تام و چێژێکی تایبەت بە خواردنەکان دەدات، هەروەها دەتوانرێت برنج بە زەعفەران و مریشکی برژاو ئامادەبکەیت، ئێمەش شێوازی ئامادەکردنەکەیت پێ دەڵێین.

کەرەستەکان

- مریشکێک

- یەک گێزەر

- یەک بیبەری رەنگاوڕەنگ

- یەک پیاز

- بادەم

- سۆسی تەماتە

- کەوچکێکی چا زەعفەران

- یەک کەوچکی چا خوێ یان دەتوانی زیاتر بەپێی ویستی خۆت

- کەوچکێکی چا بەهارات

- دوو کوپ برنج

- رۆنەکەرە

چۆنیەتی ئامادەکردنەکەی

سەرەتا مریشکەکە بشۆرەوە و بە رۆنەکەرە چەور بکە و لە فڕندا بیبرژێنە، دواتر کەرەستەکانی دیکە تێکەڵ بکە و لە رۆندا سووری بکەرەوە، پاشان برنجەکە لێبنێ هەر وەک برنجی ئاسایی دیکە، زەعفەرانەکە بکەرە ئاوی گەرمە و بەسەر برنجەکەیدا بکە، دواتر برنج کە کوڵا لەگەڵ مریشکەکەدا دوای برژاندنی لە قاپێکدا دایبنێی و کەرەستەکانی دیکەش کە سوورت کردوونەتەوە وەک جوانکارییەک بەکاری بهێنە، بەم شێوازە ئامادە دەبێت و دەتوانیت پێشکەشیی بکەیت.

ر.ئ