پسپۆرێکی خۆراک ئاشکرایکردووە،
سەوزە و میوەکان دەوڵەمەندن بە گەلێک ماددەی خۆراکی گرنگ، بە خواردنیان هەست بە تێری
دەکەیت، بەڵام لە هەمان کاتدا بڕێکی زۆر کالۆریان تێدا نییە کە یارمەتیدەر دەبن لە دابەزاندنی کێش و ڕێگەگرتن
لە قەڵەوی .
کامەران رەسوڵ ژاژڵەیی
پسپۆڕی زانستی خۆراک لە پەرەی فەرمی خۆی لە فەیسبوک نوسیوویەتی، خواردنی سەوزە و میوە
لەگەڵ دانەوێڵە تەواوەکان وەک ئاردی بۆر و
برنجی قاوەیی و پاقلەمەنییەکان و ماسی و شیرەمەنییەکان و گۆشتی بێ چەوری بە سەلامەترین ڕێگەی زانستی دادەنرێت بۆ ڕزگار بوون لە قەڵەوی
و زۆری کێش و خۆپاراستن لە دووبارە قەڵەوبوونەوە، لەگەڵ ئەوەشدا ئەو کەسانەی ڕۆژانە
بڕی زۆر لە سەوزە و میوە دەخۆن هەمیشە ئەگەری توشبوونیان بە نەخۆشییەکان کەمتر دەبێت
وەک نەخۆشییەکانی دڵ، جەڵتە، شێرپەنجە و هتد .
ئەو پسپۆرە دیارترین سەوزە
و میوەکان کە یارمەتیدەرن لە دابەزینی کێش بەمجۆرە خستووەتە ڕوو:
یەکەم: ئەڤوگادۆ
دووەم: سندی
سێیەم: سێو و مزرەسێو
چوارەم: بێرییەکان وەک
بلوبێری، شلیک، تووتڕک.
پێنجەم: قۆخ و هەڵوژە
و گێلاس و هەرمێ و قەیسی.
شەشەم: کیوی
حەوتەم: سپێناخ
هەشتەم: بڕۆکلی
نۆیەم: قەڕنابیت و کەلەرم
و کاهوو و کوزەڵە .
دەیەم: قارچک
یانزدەیەم: بازلایای سەوز
و لۆبیا .
ئ.ل