"خۆشەویستی یەک لایەنە" بە ئازارترین جۆری خۆشەویستی دادەنرێت، لەم جۆرە ئاڵوگۆڕی هەستی دوولایەنەی تێدا نییە، هەر بۆیە ئەو لایەنەی بەرامبەرەکەی خۆشدەوێت زیاتر هەست بە ئازار و خەم دەکات بەتایبەت کاتێک دەزانێت بەرامبەرەکەی هەمان هەستی ئەوی نییە.

ماڵپەڕیlovedevaniی ئەمریکی تایبەت بە بابەتی سۆزداریی کۆمەڵێک ئامۆژگاریی خستووەتە روو بۆ تێپەڕاندنی هەستی خۆشەویستی یەک لایەنە و وازهێنان لەو هەستە، ئەوانیش:

یەکەم: لەیادکردنی ئەو کەسە وەک خۆشەویست قبوڵ بکە و راستییەکە نابێت خۆتی لێ گێل بکەیت.

دووەم: هەرگیز سەرزەنشتی خۆت مەکە و ئەوەی کردووتە هەڵە نییە، بەو جۆرە دەتوانیت بەرامبەرەکەت لەیاد بکەیت.

سێیەم: رێگەیشتوو بە و ئەو هەستەت بۆ کەسێک بگوازەرەوە کە خۆشیدەوێیت و هەمان هەستی تۆی هەیە.

چوارەم: زیاتر تەرکیز بخەرە سەر داهاتووت، ئەمەش رێگەیەکە بۆ لەیادکردن و وازهێنان لە هەستی یەک لایەنە، بەو جۆرە ئازارەکەت وردە وردە تێدەپەڕێت و نامێنێت، لە کۆتاییدا ئامانج بۆ داهاتووت دادەنێیت.

پێنجەم: خۆشەویستەکەت لەیاد بکە و بیخەرە رابردووەوە، بەو جۆرە بە ئاسانی دەتوانیت لەیادی بکەیت، بەردەوام بە خۆت بڵێ "تاقیکردنەوەیەکی هەڵە بووە و جگە لە خەم و ئازار هیچم دەست نەکەوتووە".

شەشەم: کار و چالاکی نوێ تاقیبکەرەوە و هەوڵبدە خۆت بە کارێکەوە سەرقاڵ بکەیت.

حەوتەم: لە تۆڕە کۆمەڵایەتییەکان کەسەکە لەلای خۆت مەهێڵە و چیتر سەیری چالاکییەکانی مەکە.

ئ.ل