نیسک یەکێکە لەو خۆراکانەی لە چەندین رەگەزی خۆراکی گرنگ
پێکهاتووە پڕۆتین و ئاسنی تێدایە، هەر بۆیە خواردنی لە نانی ئێوارەی مانگی
رەمەزاندا شێداری و وزە بە جەستە دەبەخشێت.
ماڵپەڕی لەیالینای
لوبنانی لە بابەتێکی تەندروستیدا ئاماژەی بە دیارترین سوودەکانی خواردنی شۆربای
نسیک کردووە لە رەمەزاندا:
یەکەم: نیسک بڕێکی زۆر پێکهاتەی ڕیشاڵی تێدایە، کاردەکات
بۆ کەمکردنەوە ئاستی کۆلیسترۆڵی خوێن بەشێوەیەکی زۆر و دڵ و خوێنبەرەکان لە نەخۆشی
دەپارێزێت.
دووەم: دەوڵەمەندە بە
بڕێکی زۆر لە کاربۆهیدراتی بەسوود کە هۆکارە بۆ باشکردنی کرداری هەرس و
هاوسەنگکردنی ئاستی شەکری خوێن.
سێیەم: خواردنی نیسک دەبێتە هۆی چارەسەرکردنی قەبزی و بۆ
ماوەیەکی زۆر تێرت دەکات و رێگری لە قەڵەوی دەکات.
چوارەم: ئەگەری توشبوون
بە شێرپەنجەی مەمک کەمدەکاتەوە، چونکە بڕێکی زۆر فلاونیسی
تێدایە کە پێکهاتەیەکی دژە ئۆکسانە.
پێنجەم: ترشی فۆلیک و
مەگنیسۆمی کە خوێن چالاک دەکات و ئۆکسجینی پێویستە دەدات بە جەستە.
شەشەم: نیسک بڕێکی زۆر
ئاسنی تێدایە کە لەش پێویستی پێیەتی بۆ بەرهەمهێنانی هیمۆگلۆبینی خوێن.
ئ.ل