زۆربەمان ئارەزووی خواردنەوەی شەربەت دەکەین لەبری خواردنی قاپێک میوە چونکە ئاسانە، بەڵام لە ڕاستیدا بەپێی پسپۆڕان خواردنەوەی شەربەت زیانی هەیە بۆ تەندروستی.

بەپێی هەواڵێکی تەندروستی لە ماڵپەڕی " ئەل- وەتەن" باسی ئەو شتانە دەکات کە روودەن بەسەر جەستەدا ئەگەر رۆژانە شەربەت بخورێت، کە ئەمانەن:

یەکەم: ئەوانەی نەخۆشیی شەکریان هەیە رێژەی شەکر لە جەستەیاندا بەرز دەبێتەوە، چونکە لەکاتی گۆڕینی میوە بۆ شەربەت، مادە ریشالییەکانی ناو میوە نامێنن و شەکرەکە بەتەنیا دەمێنێتەوە.

دووەم: بەهۆی زۆری شەکرەوە تیایدا، لەوانەیە کێشی جەستە زیاد بکات، مادە خۆراکییە گرنگەکانی تێدانامێنێت کە پارێزگاری لە هاوسەنگی جەستە دەکات وەک (پڕۆتین و چەوری)

سێیەم: بەهۆی نەمانی مادەی ریشاڵی تیایدا هەست بە تێربوون ناکەیت، بۆیە باشترە لەبری ئەوەی پرتەقاڵێک بدەیت لە عەسارە، باشرە خۆی بخۆیت.

ر.ئ