لوقمی شروبی یەکێکە
لەو شیرینیانەی کە زۆرینە لە منداڵیدا خواردوویانە و ئارەزوو دەکەن لە گەورەیدا بە
هەمان تامی کاتی منداڵی بیخۆنەوە، لێرەدا ئاماژە بە چۆنێتی ئامادەکردنەکەی دەکەین:
کەرەستەکانی:
دوو کەوچک جەلی
دوو کەوچک نيشاستە
دوو کەوچک گوڵاو
دوو پەرداخ ئاو
کەوچکیک لە ڕەنگی گوڵ
نيو کوپ شەکری تۆز
"بۆدرە"
کەوچکێک ئاوی ليمۆ
ئامادەکردنەکەی:
سەرەتا جەليەکە لە ناو
ئاوەکەدا بە هێواشی لە سەر ئاگرێکی کز خاو بکەرەوە، دواتر شەکر و گوڵاو و رەنگی
گوڵەکە و ئاوی لیمۆکەی تێکەڵ بکە.
بەردەوام تێکی بدە
تاکو خەست دەبێتەوە، قاپێکی کەمێک تەخت بهێنە و کەمێک نیشاستەی تێبکە و گیراوەکە
بکەرە ناویەوە، بیکەرە ساردکەرەوە و بۆ ماوەی چوار کاتژمێر جێی بهێڵە.
لە ساردکەرەوە
دەریبهێنە و بە چەقۆ بیکە بە چوارگۆشەی بچوکەوە و دووبارە نیشاستەی تری بکە
بەسەردا بۆ ئەوەی بەیەکەوە نەلکێن، بەوجۆرە ئامادەی خواردن دەبێت.
ئ.ل