گەڵامێو گەڵای میوەی ترێیە و زۆرینەی خەڵکی بە شێوەی یاپراخ ئامادەی دەکەن و تامێکی خۆشی هەیە، لەگەڵ ئەوەشدا سوودی گرنگ بە جەستە دەبەخشێت و هۆکارە بۆ نەمانی هەوکردنی جومگەکان.

کامەران رەسوڵ ژاژڵەیی پسپۆڕی زانستی خۆراک لەو بارەیەوە ئاماژەی بە دیارترین سوودەکانی گەڵامێو کردووە بۆ جەستە، ئەوانیش:

یەکەم: که‌مکردنه‌وه‌ی ئه‌گه‌ری هه‌وکردن وه‌ک هه‌وکردنی جومگه‌کان و له‌وزه‌تێن، چونکه‌ ده‌وڵه‌مه‌نده‌ به‌ ئۆمێگا سێ و مادده‌ی دژە ئۆکسانی تێدایە.

دووەم: باشتر کارکرنی کۆئه‌ندامی هه‌رس و زیاتر هه‌ڵمژینی پێکهاتووه‌کانی ناو خۆراک و که‌مکردنه‌وه‌ی نه‌خۆشییه‌کانی گه‌دده‌ و ڕیخۆڵه‌کان.

سێیەم: یارمه‌تی کۆنتڕۆڵکردنی ئاستی شه‌کره‌ له‌ خوێندا دەدات بەتایبەت له‌‌و که‌سانه‌ی نه‌خۆشی شه‌کره‌یان هه‌یه‌.

چوارەم: به‌هێزکردنی ئێسقان و ددانه‌کان چونکه‌ ده‌وڵه‌مه‌نده‌ به‌ کالسیۆم.

پێنجەم: به‌هێزکردنی کۆئه‌ندامی به‌رگری له‌ش و یارمه‌تی خۆپارستن ده‌دات له‌ هه‌ندێک جۆری شێرپه‌نجه‌.

شەشەم: ڕێگریکردن له‌ سه‌وه‌فان و نه‌خۆشیه‌کانی تری جومگه‌کانی له‌ش چونکه‌ بڕێکی زۆر مه‌نگه‌نیزی تێدایه‌.

حەوتەم: بەهۆی دەوڵەمەندی بە ئاسن چاره‌سه‌ری که‌م خوێنی دەکات.

هەشتەم: که‌مکردنه‌وه‌ی ئه‌گه‌ری توشبوون به‌ قه‌بزی و ده‌رئه‌نجامه‌کانی.

نۆیەم: پاراستنی دڵ له‌ نه‌خۆشی به‌ هۆی بوونی بڕێکی زۆر له‌ مادده‌ی پۆتاسیۆم تێیدا.

دەیەم: که‌مکردنه‌وه‌ی گرژی ماسولکه‌کان، چونکە دەوڵەمەندە بە مەگنیسیۆم.

یانزدەیەم: ڕۆڵی هه‌یه‌ له‌ پێکهاتنی مادده‌ی کۆلاجین، پارێزگاریی لە پێست و ده‌م و چاو و هێشتنه‌وه‌ی گه‌شی و گه‌نجی ڕوخسار دەدات.

دوانزدەیەم: به‌هێزکردنی توانای بینین و پاراستنی ته‌ندروستیی چاو.

ئ.ل