هه‌ر دوو جۆره‌که‌ له‌ هه‌مان ڕووه‌ک به‌رهه‌م ده‌هێنرێن به‌ڵام جیاوازی نێوانیان ده‌گه‌ڕێته‌وه‌ بۆ شێوازی وشک کردنه‌وه‌ و هه‌ڵگرتنی، بۆیە هەریەکەیان سوودی جیاوازیان هەیە.

دکتۆر کامه‌ران رسوڵ ژاژڵه‌یی پسپۆڕی زانستی خۆراک لەو بارەیەوە ئاماژەی بە جیاوازی نێوان ئەم دوو چایە کردووە لە ڕووی بەرهەمهێنان و سوودەکانییەوە.

- چای ڕه‌ش به‌ ماوه‌یه‌کی زیاتر وشک ده‌کرێته‌وه‌ و به‌ شێوازی تایبه‌ت به‌رهه‌م ده‌هێنرێت و بۆ کاتێکی زۆرتر ته‌خمیر ده‌کرێت تا ڕه‌نگه‌که‌ی ده‌گوڕێت بۆ ڕه‌نگی ڕه‌ش.

- به‌ڵام چای سه‌وز به‌ ماوه‌یه‌کی که‌متر وشک ده‌کرێته‌وه‌ بۆیه‌ ڕه‌نگه‌ی ناگوڕێت و بڕێکی زیاتر مادده‌ دژه‌ ئۆکسان و ڤیتامین وکانزاکانی تێدایه.‌

- له‌ ڕووی ته‌ندروستیه‌وه‌ : چای سه‌وز باشتره‌ له‌ چای ڕه‌ش به‌ تایبه‌ت کاتی ڕیجێمدا چونکە هانی سوتاندنی چەورییەکان دەدات، هەروەها دەوڵەمەندە بە دژە ئۆکسیدەکان کە خانەکان دەپارێزێت.

- لە هەموو حاڵەتێکیشدا باشتره‌ هه‌ر دوو جۆره‌که‌ ڕاسته‌وخۆ پاش خواردن نه‌خورێته‌وه‌.