لەکاتی شتنی قژماندا زۆربەمان هەڵەی زۆر دەکەین و ئەمەش دەبێتە هۆی زیان گەیاندن پێیان و تەندروستی قژەکە تێک دەدات، لەوانەیە ئەو رۆتینەی کە پەیڕەوی دەکەیت هەڵە بێت، خۆت پێی نەزانیت.

ماڵپەڕی" برایت ساید" هەندێک هەڵەی باس کردووە لە کاتی شتنی قژماندا و دەبێت ئاگاداریان بین، هەڵەکانیش ئەمانەن:

قژت بە رێگەیەکی هەڵە دەشۆریت:

شۆردنی قژ بەشێوەیەکی پێچەوانە زۆر سوودی زیاترە و دەتوانێت هەموو چەورییە شاراوەکان پاک بکاتەوە، واتە قژت بۆ سەرەوە بەرە و شامپۆکە لەخوارەوە بۆ سەرەوە لێی بدە.

شامپۆی وشک تەنیا دەبێت لە قژی وشک بدرێت:

بەکارهێنانی شامپۆی وشک سوودی زۆرە بۆ ئەوەی خێرا قژت پاک بکەیتەوە، بەڵام نابێت بدرێت لە قژی تەڕ و نابێت زیادەرۆیی تێدا بکرێت، چونکە دەبێتە هۆی کەڵەکەبوونی بەرهەمەکان لەسەر پێستی سەر و خورانی تووش دەکات.

بەکارهێنانی نەرمکەرەوەی قژ(بەلسەم) بۆ ماوەیەکی درێژ:

لەڕاستی زۆر خراپە و نابێت لە سێ خوولەک زیاتر بە قژەکەوە بمێنێتەوە.

پابەندبوون بە یەک شامپۆوە بۆ ماوەیەکی درێژ:

قژ بەو شاپۆیە رادێت و چیتر کاتی خۆی ناکات بۆیە باشترە ماوە ماوە شامپۆکە بگۆڕیت بۆ ئەوەی سوودیان لێ ببینێت.

بەستنی قژ بە تەڕی:

لەڕاستیدا ئەم کردارە زیان بە قژ دەگەیەنێت و لەوانەیە تاڵەقژەکان بشکێنێت، چونکە زۆربەی کات قژ کە تەڕ دەبێت زۆر لاواز دەبێت.

داهێنانی قژ بە تەڕی:

لەبری ئەوەی قژت بە تەڕی دابهێنیت باشترە جوان وشکی بکەیتەوە پاشان دەست بکەیت بە داهێنانی، ئەمەش ناهێڵێت قژەکە لاواز بێت و بکەوێت.