کفتەی وەزیری زۆر کەس بە کفتە نێرگزی ناویدەبەن و تامێکی خۆشی هەیە و بە چەندین شێواز ئامادە دەکرێت، لێرەدا چۆنێتی ئامادەکردنەکەی لەگەڵ پەتاتە دەخەینە ڕوو:

کەرەستەکان:

قیمە بەپێی پێویست

سەلکێک پیازی جنراو

کەمێک ئارد

خوێ بەپێی ئارەزوو

بەهاراتی کفتە

کەوچکێکی بچوک زیرە و بیبەری ڕەش

ئاوی گەرم

کەرەوز

پەتاتە

دۆشاوی تەماتە

ئامادەکردنەکەی:

سەرەتا پیاز و کەمێک کەرەوز و بەهاراتەکان و خوێ و ئارد تێکەڵ بە قیمەکە دەکەین، بە جوانی دەیشێلین تاکو شێوەی هەویرێکی کەمێک توند وەردەگرێت، دواتر دەیکەین بە گونکی بچوک.

ئاو و دۆشاوەکە و کەرەوز و زیرە و بیبەری ڕەش و خوێ لە مەنجەڵێکدا تێکەڵ دەکەین و دەیخەینە سەر ئاگر، پەتاتەکە پاکدەکەین و دەیکەینە ناو گیراوەکە، دوای پێنج خولەک کفتەکانی تێدەکەین، کە کوڵا لەگەڵ برنج پێشکەشی دەکەین.

ئ.ل