لەلانگی بە یەکێک لە میوە مزرەمەنییەکان دادەنرێت و بە ئاسانی پاک دەکرێت، جگە لە تامە خۆشەکەی چەندین سوودی گرنگ بە جەستە دەبەخشێت، چونکە دەوڵەمەندە بە ڤیتامین ئەی وبی و سی و کانزای ئاسن و مەگنیسیۆم و پۆتاسیۆم و فۆسۆفۆر و کالسیۆم، لە هەمان کاتدا دژە ئۆکسانە.

لالەنگی میوەیەکی وەرزییە و چارەسەری هەڵامەت و ئەنفلەوەنزا دەکات، بەهۆی ئەوەی رەگەزی خۆراکی گرنگی تێدایە و جەستە بە شێداریی دەهێڵێتەوە، لە هەمان کاتدا تەندروستی پێست و قژ دەپارێزێت، هەروەک میرنا فەتا پسپۆڕی خۆراکی بە ماڵپەڕی سەیدەتی ئیماراتی راگەیاندبوو، لەگەڵ ئەوەشدا ئاماژەی بەوە کردووە لالەنگی ئەم سوودانە بە جەستەی خانمان دەبەخشێت:

یەکەم: بەهۆی دەوڵەمەندی بە ڤیتامین سی و ئەی لەهەمان کاتاد دژە ئۆکسانە ڕێگری توشبوون لە شێرپەنجە دەگرێت.

دووەم: ماددەی ڕیشاڵی تێدایە و ئاستی کۆلیسترۆڵی زیانبەخش لە جەستەدا دادەبەزێنێت.

سێیەم: بەهۆی ماددە ریشاڵییەکەی ناوی دڵ و سوڕی خوێن بە تەندروستیی دەهێڵێتەوە.

چوارەم: کرداری هەرس باش دەکات و گرفتەکانی گرژی ریخۆڵە و گەدە ناهێڵێت.

پێجەم: بەهۆی دەوڵەمەندی بە پۆتاسیۆم فشاری خوێن دادەبەزێنێت.

شەشەم: بەهۆی دەوڵەمەندی بە ئاو و ماددە ریشاڵییەی تێیدایە یارمەتیدەر لە دابەزینی کێشی جەستە.

حەوتەم: بەهۆی بوونی ڤیتامین سی لە پێکهاتەیدا گرفتەکانی چرچی و نیشانەکانی پیریی دوادەخات و پێست بە گەنجی دەهێڵێتەوە.

هەشتەم: کانزای ئاسنی تێدایە و بۆ ئەو کەسانە باشە کە گرفتی کەمخوێنیان هەیە.

نۆیەم: بەهۆی بوونی ڤیتامین ئەی تێیدا چارەسەری سوتاوی و پەڵەی پێست و شوێنی زیپکە دەکات.

دەیەم: بەهۆی بوونی ڤیتامین ئەی و بی ١٦ تێێدا رەگی قژ بەهێز دەکات و رەونەقی پێدەبەخشێت و بە پڕی و بەهێزی دەیهێڵێتەوە و سپیبوونی تاڵەکان دوادەخات.

ئ.ل