خانمە هونەرمەندی گۆرانیبێژ
سەمیرا کارزان گۆرانی "قەدەر"ی هونەرمەند زەکەریا عەبدوڵای بە ستایلی تایبەت
بەدەنگی خۆی وتووەتەوە.
سەمیرا ئاماژەی بەوەکردووە،
لەگەڵ ئەو گۆرانییەدا ژیاوە و هیوادارە بە دڵی هەوادارەکانی بێت.
"قەدەر" یەکێکە لە
گۆرانییە دیارەکانی هونەرمەند زەکەریا عەبدوڵا و تراکی ئەلبوومی "لاپەڕەی سپی"یە،
سەمیرا کارزانیش جارێکی تر بە شێوازی تایبەت بە دەنگی گۆرانییەکەی وتووەتەوە و لە
چەناڵی یوتیوبی دەستگیرانەکەی ڕێباز شەمامی بڵاوکردووەتەوە،هەر ئەویش کارە موزیکییەکان
و ئەرەنجمێنت و دەرهێنانی بۆ گۆرانییەکە کردووە.
سەمیرا کارزان تەمەنی
٢٢ ساڵە و لەدایکبووی شاری بۆکانی رۆژهەڵاتی کوردستانە وخوشکی پەرەستۆ کارزانی گۆرانیبێژە،
ماوەیەکی کەمە لە بواری هونەرییدا دەرکەوتووە و چەند بەرهەمێکی تایبەت بەخۆی هەیە،
زیاتر بە گۆرانی "دکتۆر" ناوبانگی پەیداکردووە.
ئ.ل