کچێکی کازاخستانی لە ڤیدیۆیەکدا تواناکانی
خۆی دەرخستووە، کە بە یەک دەست و لە یەک کاتدا و لەسەر سێ پارچە کاغەز تابلۆی سێ
کەسایەتی دەکێشێت.
روسیا تودەی ڤیدیۆی ئەو کچەی بڵاوکردووەتەوە
و ئاماژەی بەوەکردووە، ئەو کچە کازاخستانییە و ناوی ئاسیل بیکجانە، بە تەکنیکێکی
هونەری زیرەکانە لە یەک کاتدا سێ تابلۆ دەکێشێت.
هەروەک لە ڤیدیۆکەدا دیارە، ئەو کچە تەنیا
یەک دەست بەکاردەهێنێت و لەسەر سێ کاغەز و بە سێ قەڵەم کە لە ئاستی یەکتر بە
راگرێکەوە جێگیری کردوون، سێ تابلۆی جیاواز دەکێشێت.
کارەکانی بووەتە جێگەی سەرنجی خەڵکی و ڤیدیۆی
کێشانی تابلۆکانی بینەرێکی زۆریان هەیە، بینەرەکانی ئاشکرایان کردووە کە ئاسیل
توانایەکی هونەریی بەرزی هەیە.
ئ.ل