ئەوانەی کە پێستیان گەنم رەنگە چ تۆنی کراوە یان تاریك بێت، کۆمەڵێك رەنگ هەیە زیاتر لەگەڵ پێستیاندا دەگونجێت و وادەکات جوانتر دەربکەون.

ماڵپەڕی "العین" لە بابەتێکدا ئاماژەی بەوەکردوە، ئەو رەنگانەی لە پێستی گەنم رەنگدێن بریتین لە رەنگە گەرمەکان، وەك سووری تاریك، پرتەقاڵی یان سەوز، ئەم رەنگانە دیمەنێکی شیك و سەرنجڕاکێشیان پێدەبەخشن.

لە هەمان کاتدا دەبێت دووربکەونەوە لە رەنگە تاریکەکان وەك رەش چونکە ئاستی مژینی تیشکی خۆر زیاتر دەکات و وادەکات پێستیان زیاتر هەستیار ببێت و تۆختر ببێت.

باشترین رەنگەکانی جلیش کە لە پێستی گەنمی دێن بریتین لە: ئاڵتوونی، زەرد، سوور، پرتەقاڵی، زەیتوونی، هەروەها رەساسی و قاووەیی کراوە، لەگەڵ پەمەیی گوڵی، سەوزی تۆخ و رەنگە تێرەکانی وەك مۆری تێر.