گرنگیدان بە ددان تەنیا لە شۆردنی بەیانیان و ئێواراندا خۆی نابینێتەوە، بەڵکو لە کاتی هەندێک خۆراکیشدا گرنگە ددانەکان بشۆرێن یان ئاگاداریی شێوازی خواردنەکە بیت بۆ ئەوەی نەبێتە هۆی شکانی ددانەکان و هەوکردنی پوک.

ماڵپەڕی دی دەبلیوی ئەڵمانی لەو بارەیەوە ئاماژەی بە ١٠ خۆراک کردووە کە هۆکارن بۆ هەوکردنی پوک و کلۆربوونی ددانەکان، ئەوانیش:

یەکەم: چەرەسات، هەوکردنی پوک دروست دەکات چونکە لەنێوان ددانەکان بەجێدەمێنێت، هەر بۆیە گرنگە لە دوای خواردنی ددان بشۆرێت.

دووەم: ئاوی لیمۆ بە گەرمی بخورێتەوە، ماددە ترشییەکەی ناوی توندتر دەبێت و زیان بە مینای ددان دەگەیەنێت و هۆکاری توشبوونیشە بە هەستیاری.

سێیەم: سەهۆڵ، هەندێک کەس ئارەزووی خواردنی سەهۆڵ دەکەن کە زیان بە مینای ددان دەگەیەنێت و هۆکارێکیشە بۆ شکان و کلۆربوونی ددانەکان.

چوارەم: خواردنەوە وزە بەخشەکان، بڕێکی زۆر شەکری تێدایە لەگەڵ تێپەڕبوونی کاتدا کلۆربوونی ددان و هەوکردنی پوک دروست دەکات.

پێنجەم: خواردنی مێوژ لەگەل شوکولاتە، هۆکارن بۆ کلۆربوونی ددانەکان چونکە بڕی شەکر تییاندا بەرزە.

شەشەم: شیرینییەکان، بەهۆی زۆری ئاستی شەکر تیایاندا هەوکردنی پوک و کلۆربوونی ددانی بەدوادا دێت، هەربۆیە لەدوای خواردنیان ددانەکان بشۆرێن باشترە.

حەوتەم: چپسی پەتاتە، ڕێژەی نیشاستەی تیایدا بەرزە و شەکری تێدایە و لە نێو ددانەکاندا دەمێنێتەوە کە هۆکارە بۆ هەوکردنی پوک و کلۆربوونی ددانەکان.

هەشتەم: گەنمەشامی، پزیشکان هۆشداریی لە خواردنی گەنمەشامی دەدەن کە بۆ پوک و ددانەکان مەترسیدارە، چونکە دەچنە نێوان ددانەکان و پوکەوە و هۆکارە بۆ هەوکردنیان.

نۆیەم: میوە وشککراوەکان، راستە تەندروستە بەڵام بە ددانەکانەوە دەنوسێن و بە ئاسانی لێی نابنەوە، هەر بۆیە دەبێت دوای خواردنیان ددانەکان بشۆرێن یان میوەیتازە بخۆن.

دەیەم: قاوەی سارد، لەگەڵ تێپەڕبوونی کاتدا زیان بە ڕژێنەکان دەگەیەنێت و توانای روبەڕوبوونەوەی میکرۆب و بەکتریاکانی نامێنێت لە ئەنجامدا هۆکارە بۆ هەوکردن و کلۆربوونی ددانەکان.

ئ.ل