هونەرمەند و
ئەکتەری کۆمیدی عیرفانی وەستا محەمەد ناسراو بە "حەمە دەمبڵ" سەر لە
بەیانی ئەمڕۆ نەشتەرگەریی بۆ کراوە و لەژێر چاودێریی پزیشکدایە.
هێڤار عیرفان کورە
گەورەکەی ئەو ئەکتەرە بە دیجیتاڵ میدیای ئێن ئاڕ تی ڕاگەیاند، سەر لە بەیانی ئەمڕۆ
باوکی نەشتەرگەریی بڕبڕەی پشت "فەقەرات"ی بۆ کراوە و دوو بڕبڕەی پلاتینی
بۆ دانراوە.
ئەوەشی خستووەتە
ڕوو، نەشتەرگەرییەکە بە سەرکەوتووی ئەنجامدراوە و لە ئێستادا لە نەخۆشخانە
ماوەتەوە و تەندروستیی جێگیرە.
عیرفان وەستا محەمەد لە ساڵی ١٩٦٨ لە سلێمانی لەدایکبووە، ساڵانێکی زۆر لە بواری
نواندندا کاردەکات، بەشداری دەیان فیلم و دراما و شانۆی کردووە، یەکێکە لە ئەکتەرە
دیارەکانی بواری کۆمیدیا، ژیانی هاوسەریی پێکهێناوە و خاوەنی کوڕ و کچێکە.
ئ.ل