منداڵان تەنها گوێ لە قسەکانت ناگرن، بەڵکو چاودێری کردارەکانت دەکەن.

بەپێی هەواڵێکی ماڵپەڕی"huffpost"، ئەوان بە ئاسانی هەست بە پەیوەندیت لەگەڵ هاوسەرەکەت دەکەن لە ڕێگەی ئاماژەی جەستە و شێوازی قسەکردنت، کە ئەوەش کاریگەری لەسەر ئارامیی دەروونییان دادەنێت.

هەروەها سەرنجی ڕوانینت بۆ جەستەی خۆت و پەیوەندیت لەگەڵ خۆراک دەدەن؛ ئەگەر هەمیشە گازندە لە کێشت بکەیت یان خواردن بە «خراپ» بناسێنیت، ئەوانیش هەمان دیدگای ناتەندروستیان بۆ دروست دەبێت.

لە لایەکی ترەوە، منداڵ لە ڕەفتارەکانتەوە بەها ڕاستەقینەکانی ژیانت فێر دەبێت، نەک لە قسەکانت، هەروەها چاودێری میهرەبانیت بەرامبەر خۆت دەکات لە کاتی هەڵەکردندا؛ ئەگەر لەسەر خۆت توند بێت، ئەوانیش لەسەر خۆیان توند دەبن.

لە کۆتاییدا، منداڵان بە باشی سەرنجی شێوازی قسەکردنت لەسەر ئەوان لەگەڵ گەورەکانی تردا دەدەن، و قسەی نەرێنی لەسەریان متمانەبەخۆبوونیان بریندار دەکات.