زیاتر لە ١٥٠ ساڵ بەسەر دەرکەوتنی ڤازلینداتێپەڕیوە، بەڵام تا ئێستاش پێگەی خۆی وەک یەکێک لە سادەترین و پربەکارهێنراوترین بەرهەمەکانی چاودێری پێست پاراستووە.

بەپێی ماڵپەڕی "WebMD"، ئەرکی ڤازلین تەنها بۆ چارەسەری وشکبوونی پێست نییە، بەڵکو چینێکی دابڕ لەسەر پێست دروست دەکات کە لەدەستدانی ئاو کەم دەکاتەوە و لە هۆکارە دەرەکییەکان دەپاریزێت.

دیارترین سوودەکانی ڤازلینئەمانەن:

١.هێشتنەوەی ناوچەی برین بە شێداری یارمەتی خێرا چاکبوونەوەی دەدات.

٢. توانای پێست بۆ هێشتنەوەی ئاو بەهێزتر دەکات و بۆ کەسانی تووشبوو بە ئێکزیما و سەدەفی زۆر گونجاوە.

٣. ڤازلین ڕێگری لە وشکی و سووربوونەوەی پێستی منداڵان دەکات.

٤. وەرزشوانان دەتوانن چینێکی تەنکی ڤازلین لەسەر ئەو شوێنانە بدەن کە ڕووبەڕووی لێکخشاندن دەبنەوە (وەک ڕان و پاژنەی پێ) تا ڕێگری لە بڵقکردن و برینداربوون بکەن.

٥. لە کاتی هەڵامەتدا بۆ شێدارکردنەوەی ژێر لووت زۆر بەسوودە.

٦. لێدانی بڕێکی کەم لە ڤازلین دوای شێدارکردنیان، یارمەتی نەرمکردنەوەی دەوروبەری نینۆک و بەهێزکردنی نینۆکەکان دەکات.

لەگەڵ هەموو ئەم سوودانەدا، ڤازلین بۆ هەموو شوێنێکی جەستە گونجاو نییە، ئەو کەسانەی پێستیان چەورە یان ئامادەیی زیپکەیان هەیە، باشترە لە دەموچاو و شوێنە چەورەکانی نەدەن، چونکە چەوری و بەکتریان زیاد دەکات و زیپکەکان خراپتر دەکات.