لەرزینی دەست واتە گرژبوونی نائارەزوومەندانە و ڕیتمیی ماسولکەکان.

بەپێی هەواڵێکی ماڵپەڕی"MDT"، ئەم حاڵەتە دەکرێت بەهۆی هۆکاری رۆژانەی ئاساییەوە وەک زۆر خوارنەوەی کافایین، سەرئێشە و دڵڕاوکێ، یان کەمیی خەو دروست ببێت.

هەروەها دەکرێت ئاماژە بێت بۆ کێشەی تەندروستی وەک چالاکبوونی زۆری ڕژێنی دەرەقی، کاریگەریی لاوەکیی دەرمان، یان کێشە دەمارەیییەکان.

هۆکارە ئاسایی و ڕۆژانەیییەکان:

١. زۆرخواردنەوەی کافایین: وەک زۆر خوارنەوەی قاوە، چا، یان خواردنەوە وزەبەخشەکان.

٢. ستریس و دڵڕاوکێ: بەرزبوونەوەی هۆرمۆنی ئەدریناڵین بەهۆی ترس، دڵڕاوکێ یان شڵەژان.

٣. شەکەتی و ماندوێتی: کەمیی خەو یان ماندووبوونی زۆری جەستەیی.

٤. دابەزینی شەکری خوێن: برسییەتی یان دابەزینی ڕێژەی شەکر لە خوێندا.

هۆکارە تەندروستی و پزیشکییەکان:

١. لەرزینی سەرەکی (Essential tremor): حاڵەتێکی باوە و زۆرجار بۆماوەیییە کە دەبێتە هۆی لەرزینی دەست لە کاتی جووڵەدا.

٢. تەمبەڵی یان چالاکبوونی زۆری ڕژێنی دەرەقی: دروستبوونی زۆری هۆرمۆنەکان کە میتابۆلیزمی جەستە خێرا دەکات.

٣. کاریگەریی لاوەکیی دەرمان: وەک دەرمانی ڕەبۆ (تەنگەنەفەسی)، دەرمانی دژەخەمۆکی یان بەهێزکەرەکان.

٤. نەخۆشییە دەمارییەکان: هۆکارە کەمتر باوەکان وەک نەخۆشیی پارکینسۆن یان ڕەقبوونی فرەیی (MS).