ڕۆژی ۱٢ی ئابی ٢٠٢٦ ئاسمانی زەوی شایەتی ڕوودانی سێ دیاردەی گەردوونیی ناوازە دەبێت لە یەک کاتدا.

بەپێی هەواڵێکی ماڵپەڕی"alsumaria"، ئەم ڕوداوانە پێکهاتوون لە خۆرگیرانی تەواوەتی، بارینی شەهابەکان (البرشاويات)، و ڕیزبوونی هەسارەکان.

ڕوونکردنەوەی زانستیی ئەم دیاردانە و ئەو شوێنانەی لێیانەوە دەبینرێن بەم شێوەیەیە:

دیاردەکان و شوێنی بینینیان: ١. خۆرگیرانی تەواوەتی: مانگ بە تەواوی ئاستی خۆر دەشارێتەوە، هێڵی بینینی ئەم خۆرگیرانە تەواوەتییە لە ڕۆژئاوای ئایسلەندا، گرینلاند، باکووری ئیسپانیا، و بەشێک لە پورتوگال دەبێت. وڵاتانی ئیسپانیا و ئایسلەندا باشترین شوێن دەبن بۆ بینینی، لە ویلایەتە یەکگرتووەکانی ئەمریکا و کەنەداش بە شێوەی نیمچەیی دەبینرێت.

٢. بارینی شەهابەکان: لە شەوی ۱٢ی ئاب تا بەرەبەیانی ۱٣ی ئاب دەگاتە لوتکە و دەکرێت لە کاتژمێرێکدا تا ۱۰۰ شهاب ببێنرێت، بەهۆی نوێبوونەوەی مانگ و نەبوونی ڕووناکی لە ئاسماندا، دەرفەتی بینینیان زۆر گونجاو دەبێت.

٣. ڕیزبوونی هەسارەکان: هەسارەکانی موشتەری، عەتارد، مەریخ، زوحەل، ئۆرانس و نێپتۆن لە کەوانەیەکدا ڕیز دەبن. مەریخ و زوحەل بە چاوی ئاسایی دەبینرێن، بەڵام عەتارد و موشتەری پێویستیان بە سەرنجی زیاترە چونکە لە ئاسۆی ڕۆژهەڵاتەوە نزم دەبن، و ئۆرانۆس و نێپتۆنیش پێویستیان بە دووربین و تەلەسکۆپ دەبێت.

ڕوونکردنەوەی زانستی: زانایانی گەردوونناسی دووپاتی دەکەنەوە کە ڕوودانی ئەم سێ دیاردەیە لە یەک ڕۆژدا تەنها ڕووداوێکی سروشتیی ئاساییە و لە ڕووی زانستییەوە پێشبینیکراوە.

سەرجەم ئەو دەنگۆیانەی لە تۆڕە کۆمەڵایەتییەکان بڵاوبوونەتەوە کە ئەم دیاردەیە بە کارەسات، نەبوونی کشتوکاڵ یان نیشانەی کۆتایی جیهان دەبەستنەوە، دوورن لە ڕاستییەوە و هیچ بنەمایەکی زانستییان نییە.