زەیتون یەکێکە لە خۆراکە تەندروستەکان و زۆر کەس ئارەزووی دەکەن، لێرەدا شێوازی ئامادەکردنی دەخەینە ڕوو.
پێداویستییەکان:
زەیتون بە پێی پێویست
لیمۆ
ئاو
خوێ
شێوازی ئامادەکردنی:
بۆ هەر کیلۆیە زەیتون پێویستمان بە نزیکەی ١٠ لیمۆ هەیە، هەروەها هەشت پەرداخ ئاو و یەک پەرداخ خوێ.
سەرەتا لیمۆکە لەت لەت دەکەین و دەیخەینە ئامێری تێکەڵکەرەوە و پاشان ئاو و خوێکەی بەسەردا دەکەین.
پاشان زەیتونەکە دەخەینە ناو دەفرێکی شوشەوە و دواتر گیراوەکە دەکەین بەسەر زەیتونەکەدا سەری شوشەکە باش دادەخەین تا هەوای تێنەچێت.