شیرین عەبدولوەهاب نەشتەرگەرییەکی
بەپەلەی بۆ ئەنجامدراوە و باری تەندروستی ناجێگیرە.
خانمە گۆرانیبێژی میسری شیرین
عەبدولوەهاب بەهۆی تێکچوونی کتوپڕی باری تەندروستییەوە گەیەندراوەتە نەخۆشخانە و
لەژێر چاودێری چڕی پزیشکیدایە.
سەرچاوەکان بە میدیا ناوخۆییەکانیان ڕاگەیاندووە ئەو هونەرمەندە پاش بەربانگی دوێنێ هەستی بە
ئازارێکی زۆر و توند کردووە، دوای گەیاندنی بۆ نەخۆشخانە و ئەنجامدانی پشکنین،
پزیشکان بڕیاریانداوە نەشتەرگەرییەکی بەپەلەی زراوی بۆ ئەنجامبدەن.
سەرچاوەکان ئاماژەیان بەوەشکردووە لە ئێستادا شیرین لەژێر
چاودێری وردی پزیشکیدایە و باس لەوە دەکرێت دۆخی تەندروستی ناجێگیرە.
چاوەڕوان دەکرێت لە چەند کاتژمێری
داهاتوودا تیمی پزیشکی راپۆرتی کۆتایی لەسەر سەرکەوتنی نەشتەرگەرییەکە و
جێگیربوونی باری تەندروستی بڵاو بکەنەوە.
ئەم هەواڵە نیگەرانییەکی زۆری
لەلایەن هەوادارانی ئەو خانمە گۆرانیبێژە لە سۆشیاڵ میدیاکاندا دروست کردووە و
هەمووان چاوەڕێی هەواڵی دڵخۆشکەرن.