ڤیتامینE ماددەیەکی خۆراکی گرنگە کە پێویستە بۆ جەستە،بەو پێیەی ڕۆڵێکی سەرەکی دەگێڕێت وەک دژە ئۆکسێنەر پارێزگاری لە خانەکان دەکات و لە تێکچوون دەیانپارێزێت.

لە بابەتێکی ماڵپەڕی "کلیڤلاند" دا ئاماژە بە دیارترین سوودەکانی ڤیتامینE دەکات، بەم شێوەیە:

١.خۆپاراستن لە شێرپەنجە:

وەک دژە ئۆکسێنەرێک کاردەکات، کە بەشدارە لە کەمکردنەوەی مەترسی تووشبوون بە هەندێک جۆری شێرپەنجە.

٢. باشترکردنی تەندروستی چاو:

بەشدارە لە کەمکردنەوەی مەترسییەکانی تێکچوونی چاو و ئاوی سپی چاو.

٣.بەهێزکردنی سیستمی بەرگری جەستە:

کارکردنی سیستەمی بەرگری جەستە باشتر دەکات و توانای بەرەنگاربوونەوەی نەخۆشیەکانی زیاتر دەکات.

٤.خۆپاراستن لە خوێن مەین:

یارمەتیدەرە لە کەمکردنەوەی مەترسییەکانی خوێن مەین، بەڵام نابێت بە جێگرەوەی دەرمانی نووسراو هەژمار بکرێت.

٥.باشترکردنی تەندروستی پێست:

لە بەرهەمەکانی چاودێری پێستدا بەکاردێت بۆ شێدارکردن و پاراستنی.