ئەنجومەنی نیشتمانی پزیشکی هیندستان ڕێنمایی نوێی بڵاوکردەوە و داوا لە پزیشکان دەکات ڕەچەتە بە دەستنووسێکی ڕوون و جوان بنووسن، ئەمەش هەنگاوێکە کە ئامانج لێی کەمکردنەوەی هەڵەکانی دابەشکردنی دەرمان و بەرزکردنەوەی سەلامەتی نەخۆشەکانە لە سەرانسەری وڵاتدا.

بەپێی ماڵپەڕی تایمز ناو، بڕیارەکە بریتییە لە چاودێریکردنی شێوازەکانی نووسینی دەرمان لەناو کۆلێژە پزیشکییەکان، هێنانە ناوەوەی تواناکانی نووسینی ڕەچەتە لە ڕاهێنانی کلینیکی خوێندکارانی پزیشکی و پێکهێنانی لیژنەی لاوەکی بۆ چاودێریکردنی جێبەجێکردنی ڕێنماییەکان.

ئەم ڕێوشوێنە لە وەڵامی پەرەسەندنی نیگەرانییەکان دێت کە لەلایەن دادگاکان و دەسەڵاتدارانی تەندروستیەوە سەبارەت بەو زیانانەی کە بەهۆی دەستنووی ناروونی ڕەچەتەوە تووشی دەبن چونکە مەترسی ڕاستەوخۆ لەسەر سەلامەتی نەخۆش دروست دەکات.

جێگەی باسە تۆمارە پزیشکییە خوێنەرەوەکان بەشێکن لە مافی دەستووری بۆ تەندروستی بەپێی مادەی ٢١ی دەستووری هیندستان.

بەپێی ڕێنماییە نوێیەکە، پزیشکەکان نابێت لە نووسینی ڕەچەتە بە دەستنووسی هەڕەمەکی یان ناڕوون بنووسن، بڕیارەکەش پێویستی بە ڕاهێنانی خوێندکارانی پزیشکی هەیە لەسەر گرنگی ڕەچەتەی ڕوون وەک بەشێک لە بەرپرسیارێتییە پیشەییەکانیان، لە چوارچێوەی هەوڵدان بۆ کەمکردنەوەی هەڵەی دەرمان چونکە لەوانەیە ببێتە هۆی ئاڵۆزیی گەورە و زیادبوونی تێچووی چارەسەرکردن.