ژمارەیەکەی زۆر لە بەکارهێنەرانی تۆڕی کۆمەڵایەتی سناپ چاتلە تەواوی جیهاندا ڕیپۆرتیان داوە لەبارەی بوونی کێشە لە ئەکاونتەکەیاندا و سناپچاتیش دەڵیت ئاگادارین و بەزووی چارەسەری دەکەین.

ماڵپەڕیtomsguide لە هەواڵێکدا باسی لەوەکردووە زۆرێک لە خەڵکی ناتوانن بچنە ناو ئەکاونتەکانی سناپ چاتیان و ئەمەش کێشەی بۆ دروست کردوون و زۆرینەیان کێشەی ئەوەیان هەیە یان هیچ نامەیەک ناتوانن بنێرن یاخود جگە لە تێکست و نوسین ناتوانن وێنە و ستریک بنێرنن بۆ هاوڕێکانیان.

هاوکات، بەشێک لە بەکارهێنەران ئاماژەیان بەوەکردووە کە تەنانەت ئەکاونتەکانیان داخراوەتەوە و کاتێک دەیانەوێت جارێکی دیکە بچنەوە ناوی ئیرۆریان پێ دەدات و گازندەکایان لەبارەی بابەتەکەوە لەڕێگەی تویتەرەوە بڵاوکردووەتەوە.

لەبەرامبەردا، ئەکاونتی یارمەتیدەری سناپچات لە تویتێکدا ئاشکرای کردووە کە ئاگادارن لەبارەی بابەتەکەوە و لە زووترین و نزیکترین کاتدا چارەسەری دەکەن و وەک لەکارکەوتنی فەیسبووک نابێت کە بۆ ماوەی چەندین کاتژمێر بەردەست نەبوو.

ئەمەش دوای ئەوە دێت، ڕۆژی چواری ئەم مانگە نزیک کاتژمێر٦:٥٠ خولەکی ئێوارە تۆڕە کۆمەڵایەتییەکانی فەیسبووک و ئینستاگرام و واتس ئەپ لەکار کەوتن و بۆ نزیکی پێنج کاتژمێر بەردەست نەبوون بۆ بەکارهێنەران.