گێزەر دەوڵەمەندە بە چەندین ماددەی خۆراکی کە سوودێکی بەرچاوی تەندروستی پێشکەش دەکات.

لە ماڵپەڕی "lebanon24" بڵاوکراوەتەوە، پسپۆران ئاماژەیان بە دیارترین سوودەکانی گێزەر کردووە، بەم شێوەیە:

١. دەوڵەمەندە بە ڤیتامین و کانزاکان:

گێزەر بڕێکی زۆر ڤیتامین ئەی تێدایە کە ڕۆڵێکی سەرەکی دەگێڕێت لە بەرەوپێشبردنی تەندروستی چاو و بینین هەروەها ڤیتامین C و K و پۆتاسیۆم و ڕیشاڵی خۆراکی تێدایە.

٢. پشتگیری تەندروستی چاو دەکات:

گێزەر بریتییە لە بیتا کارۆتین کە دژە ئۆکسێنەرێکە کە جەستە دەیگۆڕێت بۆ ڤیتامین A، ئەمەش یارمەتیدەرە بۆ خۆپاراستن لە نەخۆشییەکانی چاو.

٣. سیستەمی بەرگری جەست بەهێز دەکات:

ڤیتامین و دژە ئۆکسانەکانی ناو گێزەر، سیستەمی بەرگری جەستە بەهێز دەکەن، یارمەتی جەستە دەدات لە بەرەنگاربوونەوەی نەخۆشی و هەوکردن.

٤. پاڵپشتی تەندروستی دڵ دەکات:

ئەو ڕیشاڵ و پۆتاسیۆمەی لە گێزەردا هەیە یارمەتی دابەزاندنی پەستانی خوێن و کەمکردنەوەی ئاستی کۆلیسترۆڵی زیانبەخش دەدات، ئەمەش ئەگەری تووشبوون بە نەخۆشییەکانی دڵ کەمدەکاتەوە.

٥. یارمەتی باشترکردنی هەرسکردن دەدات:

ڕیشاڵی خۆراکی لە گێزەردا یارمەتیدەرە بۆ بەرەوپێشبردنی هەرسکردن و ڕێگریکردن لە قەبزی، ئەمەش تەندروستی هەرس باشتر دەکات.

٦. تەندروستی پێست باشتر دەکات:

دژە ئۆکسێنەرەکان و ڤیتامین A یارمەتی پاراستنی تەندروستی پێست دەدەن و نیشانەکانی پیربوون دوادەخەن.

٧. یارمەتی کۆنترۆڵکردنی کێش دەدات:

گێزەر ڕێژەی کالۆری کەمی تێدایە و دەوڵەمەندە بە ڕیشاڵی، ئەمەش وایکردووە ببێتە هەڵبژاردەیەکی باش بۆ ئەو کەسانەی دەیانەوێت کێشیان دابەزێنن یان پارێزگاری لێبکەن.