توێژینەوەیەک نهێنی تەمەن درێژی ماریا برانیاس مۆریرای ئیسپانی دوایی مردنی ئاشکرا دەکات، ئەوکاتەی توێژینەوەکە تەمەنی ١١٧ ساڵ و ١٦٨ ڕۆژ بووە کە بە بەتەمەنترین ژنی جیهان دادەنرا.

لە ماڵپەڕی "RT Arabic" بڵاوکراوەتەوە، زاناکان بە شیکردنەوەی پێکهاتەی بۆماوەیی و شێوازی ژیانی، نهێنییەکانی تەمەنی درێژی ئەو خانمەیان ئاشکرا کرد، کاتێک ماریا تەمەنی ١١٦ ساڵ بوو، توێژەران نمونەی خوێن و لیکی و پیسایییان وەرگرت بۆ شیکاری قووڵی بۆماوەیی، لە ئەنجامەکاندا دەرکەوتووە کە میتابۆلیزمی چەوری لە کاراترینەکاندایە، بەهۆی خۆراکی هاوسەنگ و جینەکانی تایبەت کە یارمەتی نەهێشتنی ماددە زیانبەخشەکانی دەدەن هەروەها ئاستی کۆلیسترۆڵی زۆر کەم بووە.

ماریا جگەرەی نەکێشاوە و کهولی نەخواردووەتەوە و ڕێجیمێکی دەریای ناوەڕاستی پەیڕەو کردووە کە دەوڵەمەندە بە سەوزە، میوە ، مریشک و زەیتی زەیتون، ئەمە جگە لەوەی ڕۆژانە سێ ژەم ماستی بێ چەوری خواردووە ، بەهۆی ئەمەشەوە تەندروستی گەدەی زۆر باش بووە.

هەروەها توێژینەوەکە "کاتژمێری بۆماوەیی" بەکارهێناوە لەسەر بنەمای میتیلاسیۆنی DNA بۆ خەمڵاندنی تەمەنی بایۆلۆژی، و دەرکەوتووە کە تەمەنی بایۆلۆژی نزیکەی ٢٣ ساڵ لە تەمەنی ڕاستەقینەی خۆی بچووکترە.