بەگوێرەی توێژینەوەیەکی زانستی رۆژانە خواردنی مشتێک بادەم پارێزگاریی لە تەندروستیی ریخۆڵەکان دەکات و ئەگەری توشبوون بە نەخۆشییە درێژخایەنەکان کەمدەکاتەوە.

کۆلێژی کینگەر لەندەن لە بریتانیا توێژینەوەکەی ئەنجامداوە و لە گۆڤاریAmerican Journal of Clinical Nutritionبڵاوبووەتەوە و تیایدا هاتووە، رۆژانە خواردنی مشتێک بادەم ریخۆڵەکان بە تەندروستیی دەهێڵێتەوە و نیگەرانی و ئاستی مەترسی توشبوون بە نەخۆشی شەکرە و هەوکردن ناهێڵێت.

توێژەران رایدەگەیەنن، گرنگ نییە چی دەخۆیت گرنگ ئەوەی بزانیت چۆن دەیخۆیت و رێگە دروستەکەی خواردنی بزانیت،نمونەزیادەڕەوی لە خواردنی بادەمدا نەکرێت و رۆژانە مشتێک لەو چەرەسە بخورێت ئەوا جەستە سوودی لێوەردەگرێت.

لە بادەمدا چەوری سوودبەخش و ماددەی ریشاڵی و پۆلیفینۆڵین هەیە و ئاستی بەرهەمهێنانی ترشە چەوری ریخۆڵەکان زیاد دەکات و رێگریی لە قۆڵۆن و نارەحەتی جوڵەی ریخۆڵەکان دەگرێت، هۆکار دەبێت بۆ بەهێزکردنی سیستمی بەرگریی جەستە.