بەشێک لە خەڵکی ئارەزووی خواردنەوەی قاوە دەکەن بە تایبەت لە بەیانیاندا، بەڵام چی ڕوودەدات کاتێک بڕیار دەدەیت وازی لێبهێنیت؟ لێرەدا ئاماژە بە دیارترین کاریگەرییەکانی دەکەین.

لە ڕاپۆرتێکی ڕۆژنامەی " The Times of India"دا ڕوونکراوەتەوە، وازهێنان لە قاوە گۆڕانکارییەکی بەرچاو لە جەستەتدا دروست دەکات، بەم شێوەیە:

١. بە دوورکەوتنەوە لە قاوە جەستەت دەتوانێت وزەی سروشتی و میکانیزمەکانی باری دەروونی ڕێکبخات.

٢. بەرهەمهێنانی میلاتۆنین دەگەڕێتەوە باری ئاسایی خۆی، کەسەکە خەوێکی قووڵتر و ئارامتری دەبێت.

٣. مەترسی تووشبوون بە فشارەکانی دڵ و خوێنبەرەکان کەمدەکاتەوە.

٤. کەمکردنەوەی نیشانەکانی دڵەڕاوکێ و فشاری دەروونی.

٥. کاتێک واز لە خواردنەوەی قاوە دەهێنیت ئەوا مەترسی تووشبوون بە کێشەکانی گەدە کەمدەبێتەوە.