ئەم جۆرە بە بچووکترین مارە ناسراوەکانی جیهان
دادەندرێت کە نزیکەی دوو دەیە نەبینراوە ئەمەش نیگەرانی بەشێک لە زانایان
دروستکردووە کە ڕەنگە لەناوبچن.
بەپێی هەواڵێکی ماڵپەڕی " abc news"
، لە گۆڕانکارییەکی سەرنجڕاکێشدا بۆ زانایان بچووکترین مار لە جیهاندا دوای
20 ساڵ لە دیارنەمای دووبارە لە دوورگەیەکی کاریبی بینرایەوە.
ئەم جۆری مارە کە ترسی لەناوچوونی لەسەرە، درێژییەکەی
تەنها ١٠ سانتیمەترە و قەبارەیەکی بچووک و تەنکی هەیە، لەگەڵ نزیکەی ٥٠٠٠ جۆری دیکەی
ڕووەک و ئاژەڵ و قارچکدا لە لیستی جیهانی "جۆرە ونبووەکان"دا هاتووە.
دۆزینەوەکە لە مانگی ئازاردا لە میانی ڕووپێوییەکی
ژینگەییدا بووە کە لەلایەن وەزارەتی ژینگەی باربادوس و ڕێکخراوی پاراستن "Re:Wild"
ئەنجامدراوە، بەرپرسی پڕۆژەکە کۆنر بلەیدز و ئەفسەری ژینگەی کاریبی جەستن سپرینگەر
زیاتر لە ساڵێکیان تەرخان کرد بۆ گەڕان بەدوای چەندین زیندەوەری ناو ناوچەکەیان.
ئەم جۆری مارە بۆ یەکەمجار لە ساڵی ١٨٨٩ دۆزرایەوە،
دەگمەنییەکەی زانایانی نیگەران کردووە، جێگەی باسە ئەم جۆرە کوێرە و لە ژێر زەویدا
دەژی و تەنها مێروولە و مێرووەکان دەخوات کاتێک بە تەواوی گەورە دەبێت، درێژییەکەی
نزیکەی ١٠ سانتیمەتر دەبێت.
ئەوەشیان راگەیاند دووبارە دۆزینەوەی ئەم مارە
لە باربادوس سەرچاوەی هیوایە، بەڵام پێویستی بە پاراستنی شوێنی نیشتەجێبوونیان
هەیە بۆ ئەوەی لەناو نەچن.