ئالوودەبوون بە شیرینی یەکێکە لە کێشە باوەکان لە جیهاندا، کە کاریگەری نەرێنی لەسەر جەستە دروست دەکات.

بە گوتەی دکتۆر گالینا ئیۆنۆڤا، پسپۆڕی بواری خۆراک، هۆکارەکانی ئەم ئالوودەبوونە زۆرن، لەوانەش:

١.هۆکارە بایۆکیمیاییەکان:

شەکر هاندەری دەردانی ماددەی دۆپامینە، کە گواستەرەوەیەکی دەمارییە و هەست بە چێژ دەکات، جۆرێک لە ئالوودەبوون دروست دەکات کە مرۆڤ پاڵدەنێت بۆ ئەوەی چەندین جار شیرینی بخواتەوە.

٢. بارودۆخی دەروونی:

زۆر کەس ڕوو لە شیرینی دەکەن وەک ئامرازێک بۆ ڕزگاربوون لە فشار، دڵەڕاوکێ، یان خەمۆکی.

٣. کاریگەری کۆمەڵایەتی و ڕیکلام:

بە ڕیکلامەکانی پەرەپێدانی شیرینی دەورە دراوین هەروەها بۆنە کۆمەڵایەتییەکان پەیوەندییەکی نزیکیان بە خواردنیانەوە هەیە.

- دەرەنجامەکان:

- زیادبوونی کێش و قەڵەوی،زۆر خواردنی شەکر دەبێتە هۆی زیادبوونی کێش، ئەمەش ئەگەری تووشبوون بە نەخۆشی شەکرەی جۆری دووەم و نەخۆشییەکانی دڵ و خوێنبەرەکان زیاد دەکات.

- شەکر هۆکاری سەرەکییە بۆ خراپبوونی ددان و کێشەکانی دیکەی دەم و ددان.

- خواردنی بەردەوامی شەکر دەبێتە هۆی گۆڕانی باری دەروونی و تێکچوونی دەروونی.

بەشێکی زۆری خەڵکی پرسیاری ئەوە دەکەن کە چۆن دەتوانیت بەسەر ئالوودەبوونی شیرینیدا زاڵ بیت؟، لەمبارەیەوە دکتۆر گالینا ئیۆنۆڤا رایگەیاند " دەتوانرێت بەسەریدا زاڵ بێت بە تێگەیشتن لە هۆکارەکانی و وەرگرتنی خۆراکی تەندروست و هاوسەنگ. ئەمەش تەندروستی گشتی بە شێوەیەکی بەرچاو باشتر دەکات"

جگە لەوەش ئاماژەی بە چەند رێگایەکی دیکە کرد، ئەوانیش بریتین لە:

١. کەمکردنەوەی خواردنی شەکر، وردە وردە بڕی شیرینی لە خۆراکەکەتدا کەم بکەرەوە.

٢. خواردنی میوە و گوێز و ماستی بێ شەکر لەبری شیرینی.

٣. چالاکی جەستەیی دەبێتە هۆی بەرزکردنەوەی ئاستی بەرهەمهێنانی مادەی ئەندۆرفین، کە جێگەی چێژی شیرینی دەگرێتەوە.