کۆمپانیای مایکرۆسۆفت سیستەمێکی AI ی بە ناوی "MAI Diagnostic Orchestrator" پەرەپێداوە کە دەتوانێت بە وردی و بە تێچووی زۆر کەمتر لە تیمێکی پزیشکی مرۆڤ نەخۆشیەکان دەستنیشان بکات.

ئەم کۆمپانیایە چەندین توێژەری سەرەکی گووگڵی وەرگرتووە بۆ یارمەتیدان و پەرەپێدانی ئەم سیستەمەی AI، کە دەتوانێت لە داهاتوودا تێچووی چاودێری تەندروستی کەم بکاتەوە.

شایەنی باسە کە AI لە هەندێک کەرتی چاودێری تەندروستیدا بە شێوەیەکی بەرفراوان بەکاردەهێنرێت، لەوانەش یارمەتیدانی پزیشکانی تیشکدانەوە بۆ لێکدانەوەی وێنەکان، نوێترین مۆدێلی AIی فرە شێوازی توانای ئەوەیان هەیە وەک ئامرازێکی کاریگەر بۆ دەستنیشانکردن خزمەت بکەن.

مایکرۆسۆفت توانای سیستەمە نوێیەکەی تاقیکردەوە بۆ دەستنیشانکردنی دروستی حاڵەتی نەخۆشێک، بە ئەنجامدانی ئەو کارەی کە بە شێوەیەکی ئاسایی لەلایەن پزیشکێکی مرۆڤەوە ئەنجام دەدرێت، تیمی مایکرۆسۆفت لە ٣٠٤ توێژینەوەی ڕۆژنامەی "The New England Journal of Medicine" کەڵکیان وەرگرتووە بۆ پەرەپێدانی تاقیکردنەوەکەیان.

تاقیکردنەوەکان دەریانخستووە دەستنیشانکردنی MAIلە پزیشکانی مرۆڤ باشتر بووە، بە ڕێژەی ٨٠% وردبینی بەدەستهێناوە بە بەراورد بە ٢٠% بۆ پزیشکان، هەروەها تێچووەکانی بە ڕێژەی بە ٢٠% کەمتر بووە.

توێژەرانی مایکرۆسۆفت "MAI Diagnostic Orchestrator" یان دروستکردووە بۆ ئەوەی بتوانێت هاوکاری لەگەڵ چەندین مۆدێلی پێشەنگی AIبکات، لەوانە ChatGPT لە OpenAI، Geminiلە گووگڵ، Claude لە Anthropic، Llama لە Metaو Grok لە xAI، کە بە شێوەیەکی زانستی کاری چەندین پسپۆڕی مرۆڤ بەیەکەوە ئەنجام دەدات.

تا ئێستا مایکرۆسۆفت بڕیاری نەداوە ئەم تەکنەلۆجیایە بە بازرگانی بکات یان نا، بەڵام بەگوێرەی زانیارییەکان ڕەنگە کۆمپانیاکە بیخاتە ناو بزوێنەری گەڕانی Bing بۆ ئەوەی یارمەتی بەکارهێنەران بدات لە دەستنیشانکردنی نەخۆشییەکان.

ئەمە نوێترین پڕۆژەیە لە گەشەسەندنی توێژینەوەکان کە نیشانی دەدات کە چۆن مۆدێلەکانی AI دەتوانن نەخۆشیەکان دەستنیشان بکەن.