توێژینەوە نوێیەکان دەریانخستووە کە ترشی میریستیک و باڵمیتیک لە زەیتی خورمادا ئەگەری تووشبوون بە نەخۆشییەکانی دڵ و خوێنبەرەکان زیاد ناکەن.

پرۆفیسۆر ئۆلێگ مێدڤێدێڤ، سەرۆکی بەشی دەرمانناسی، لە زانکۆی مۆسکۆ و دامەزرێنەری سەنتەری توێژینەوەی خۆراکی تەندروست، رایگەیاند " توێژینەوەکانی ئەم دواییە ئاماژە بەوە دەکەن کە ترشی باڵمیتیک کە لە چەوری ڕووەکیدا هەیە، کۆلیسترۆڵی LDLبەرز ناکاتەوە، بەرزی کۆلیسترۆڵ بە پلەی یەکەم پەیوەندی بە زیادەڕۆیی لە خواردنی چەورییە تێرەکانەوە هەیە، واتا کاتێک کە لە ١٠%ی کۆی خۆراک زیاترە بۆ نموونە، کەرە نزیکەی ٦٠% چەوری تێر لەخۆدەگرێت، لەکاتێکدا زەیتی خورما ڕێژەیەکی کەمتری تێدایە، نزیکەی ٥٠%."

دەشڵێت "پێشتر باس لەوە دەکرا کە هەموو ترشە چەورییە تێرەکان یەک گروپ پێکدەهێنن کە کاریگەری تەندروستی هاوشێوەیان هەیە بەڵام لە ماوەی دوو دەیەی ڕابردوودا چەندین لێکۆڵینەوەی بەراوردکاری دەریانخستووە کە کاریگەرییە تەندروستییەکان لە نێوان جۆرە جیاوازەکانی ترشە چەورییە تێرەکاندا جیاوازن"

ئەو پرۆفیسۆرە جەخت لەوە دەکاتەوە کە زۆربەی توێژینەوەکان پشتگیری لەو بیرۆکە باوە ناکەن کە ترشی باڵمیتیک ڕاستەوخۆ دەبێتە هۆی نەخۆشییەکانی دڵ و خوێنبەرەکان، بەتایبەتی کاتێک ئاستی کۆلیسترۆڵی خوێن لە سنووری ئاساییدایە.

لە کۆتاییدا دەڵێت: "ڕاستە زەیتی خورما دەتوانێت ئاستی کۆلیسترۆڵ بەرز بکاتەوە، بەڵام بە هەمان ڕادەی پێشترکە بیری لێدەکرایەوە ئەوە ناکات و زۆر کەمتر کاریگەری هەیە بە بەراورد بە کەرە".