لە سەرەتای دووگیانیدا نیشانەکان لە خانمێکەوە
بۆ خانمێکی تر دەگۆڕێت، بەڵام باوترینیان کە خانمان تێیدا هوبەشن دڵتێکهەڵاتنی بەیانیان
و تێکچوونی میزاج و نەمانی سوڕی مانگانەیە.
ماڵپەڕی سەیدەتی ئیماراتی لەو بارەیەوە ئاماژەی
بە کۆمەڵێک نیشانەی سەرەتایی کردووە لە قۆناغی یەکەمی دووگیانیدا ڕوودەدەن و کەم خانم کە یەکەم دووگیانیانە درک بە نیشانەکان بکەن کە ئاماژە بێت بۆ ئەوەی دووگیانن، لە
باوترین نیشانەکانیش:
یەکەم: نەمانی سوڕی مانگانە
دووەم: یان ناڕێکبوونی سوڕی مانگانە بۆ ئەوەش پێویستە
پشکنینی دووگیانی بکرێت.
سێیەم: ئاوسانی مەمکەکان و بوونی ئازار تێیاندا.
چوارەم: سەرگێژخواردن و دڵتێکهەڵاتن بەبێ هۆکار.
پێنجەم: زیادبوونی ڕێژەی میزکردن.
لە هەندێک خانمدا ئەم دوو نیشانەیە دەردەکەوێت:
یەکەم: تێکچوونی میزاج، وەک گریانی لەناکا و بەبێ
هۆکار یان دڵتەنگی و بێزاری.
دووەم: بوونی خوێنبەربوونی کەم، هەندێک خانم لە
سەرەتای دووگیانیاندا چەند دڵۆپێک خوێنیان هەیە بەتایبەتیش لەدوای ١٠ بۆ ١٤ ڕۆژدا ڕوودەدات.