ڕۆژووگرتن لە مانگی ڕەمەزاندا کاریگەری قووڵی لەسەر جەستە و دەروون هەیە، وشکبوونەوەی جەستە لە کاتی ڕۆژوودا دەبێتە هۆی گۆڕانکاری لە بەرهەمهێنانی فرمێسکدا

بەپێی ماڵپەڕی "eremnews"، لێرەدا چەند تێڕوانینێکی سەرەکی دەخەینەڕوو کە چۆن ڕۆژووگرتن کاریگەری لەسەر چاوەکان دەبێت و ڕێنماییەکان بۆ پاراستنی بینین چین.

گۆڕانکارییەکانی میتابۆلیکی و کاریگەرییە هۆرمۆنییەکانی بەڕۆژووبوون دەتوانێت هەستیاری ئەنسۆلین باشتر بکات، کە ئەمەش زۆر گرنگە بۆ ڕێگریکردن لە نەخۆشییەکانی چاو وەک شەکرەی چاو و تۆڕی چاو.

بەڕۆژووبوون دەبێتە هۆی هاندانی گۆڕانی هۆرمۆنەکان، بەتایبەتی هۆرمۆنی گەشە کە تەندروستی دەمارەکانی چاو باشتر دەکات، خانەکانی چاو لە تێکچونن دەپارێزێت هەروەها یارمەتی کەمکردنەوەی فشاری ئۆکسجینی و هەوکردن دەدات کە پەیوەندییان بە حاڵەتەکانی وەک تێکچوونی چاو (AMD) و نەخۆشی تۆڕی چاو و شەکرەی چاو هەیە.

پسپۆران ئاماژەیان بە چەند رێنماییەکی گرنگ کردووە، بەم شێوەیە:

١. خەوتنی پێویست،بەلایەنی کەمەوە ٦ کاتژمێر بخەویت بۆ ئەوەی چاوەکانت وشک نەبێتەوە و تەندروستی چاوی بە شێوەیەکی گشتی باپزرێزیت.

٢. خواردنی خۆراکی دەوڵەمەند بە ماددە خۆراکیەکان، وەکو سەوزە، و پرتەقاڵ و هێلکە و ماسی.

٣. وازهێنان لە جگەرەکێشان، جگەرەکێشان زیان بە شانەکانی چاو دەگەیەنێت و ئەگەری تووشبوون بە تێکچوونی ڕەنگی چاو بەهۆی تەمەنەوە زیاد دەکات.

٤. چاودێریکردنی شەکری خوێن، نەخۆشانی شەکرە دەبێت چاودێری ئاستی شەکری خوێنیان بکەن لە ڕێگەی خۆراک و دەرمانەوە چونکە کاریگەری لەسەر تەندروستی چاو هەیە.

٥. وەرزشکردن یارمەتیدەرە بۆ پاراستنی ئاستی کۆلیسترۆڵ و پەستانی خوێن بە شێوەیەکی تەندروست، ئەمەش دەبێتە هۆی باشترکردنی بینین.