میسی ئامانجی ئەوەیە
بگەڕێتەوە بەرشەلۆنە لە داهاتوودا و لەو یانەیە واز لە یاریکردن بهێنێت.
ئەلێکس کاندالی
رۆژنامەنوس لە کەناڵی دی سپۆرت بڵاویکردەوە، لیۆنێل میسی ئەستێرەی ئەرجەنتینی و
ئێستای ئینتەر میامی ئامانجی ئەوەیە بگەڕێتەوە یانە دڵخوازەکەی کە بەرشەلۆنەیە.
ئەو رۆژنامەنوسە
ئاشکرایکردووە، ئەستێرە ئەرجەنتینیەکە ناتوانێت بە یەکجاری واز لە یاریکردن بهێنێت
تا ئەو ساتەی لە یاریگای نوێی کامپ نۆدا یاری نەکات وەک یاریزانی یانەی بەرشەلۆنە.
دەشڵێت، بابەتی
گەڕانەوەی میسی بۆ یانە کەتەلۆنییەکە لە ماوەیەکی نزیکدا روودەدات بەتایبەت دوای
تەواوبوونی ماوەی گرێبەستەکەی لەگەڵ ئینتەر میامی کە کۆتایی ئەمساڵە.
ئەلیکس کاندال یەکەم
رۆژنامەنووس بوو کە بڵاویکردەوە لیۆنێل میسی پەیوەندی بە یانەی ئینتەر میامیەوە
دەکات و هەواڵەکەشی راست دەرچوو.
میسی لە رابردوودا 778
یاری بە درێسی یانەی بەرشەلۆنەوە ئەنجامداوە و 672 گۆڵی بۆ تۆمارکردووە کە گۆڵکاری
مێژوویی یانەکەیە، 35 نازناویشی لەگەڵدا بەدەستهێناوە.