گەنجێک لەکاتی (kayaking) یاری
بەلەمی بچووکدا لەلایەن نەهەنگێکەوە قوتدەدرێت.
لە رووداوێکی
دەگمەندا لە وڵاتی چیلی، باوکێک ڤیدیۆی کوڕە ٢٤ ساڵەکەی بڵاوکردووەتەوە، کە
نەهەنگێک قووتی دەدات و دوای سێ چرکە بە زیندوویی دێتە دەرەوە.
دوای رووداوەکە گەنجەکە وتی: "هەستم بەشتێک
کرد کە لە پشتەوە خۆی پێداکێشام، سەرەتا وامزانی شەپۆلێکە، کاتێک سەیری دواوەم کرد
رەنگی سپی و نیلیم بینی کە رایدەکێشامە ژێرئاوەکەوە، لەو کاتەدا پێم وابوو کە هیچ
شتێکم پێناکرێت و ژیانم کۆتایی هاتووە."
هاوکات باوکی ئادریان ئاماژەی بەوەکرد، دوای سێ
چرکە لە قوتدانی، ئادریان دەرکەوتەوە و بە سەلامەتیی رزگاری ببوو.