کەشناسی هەرێم رایگەیاند، ئەمڕۆ ئاسمان ساماڵ و پەڵە هەور دەبێت، لە کاتەکانى ئێوارەدا دەگۆرێت بۆ نیمچە هەور. دەشڵێت، سبەی پێشبینی بەفربارین دەکرێت لە سەنتەری پارێزگای سلێمانی و دهۆک.

ئەمڕۆ چووارشەممە ١٢ی شوباتی ٢٠٢٥، کەشناسی هەرێم ئاماژەی بەوەشکردووە، پێشبینی دەکرێت سبەینێ شەپۆلەکە سەرەتا بە نمە باران لەسەرجەم ناوچە جیاجیاکان دەستپێبکات و پاشان بەهۆی بارستە هەوایەکى ساردەوە کە روو لە هەرێمی کوردستان دەکات پلەکانی گەرما زۆر نزم ببنەوە.

باسی لەوەشکرد، لە سەنتەرى پارێزگاکانی سلێمانى و دهۆک پێشبینی دەکرێت لەگەڵ باران بارین بەفریش ببارێت.

ئەوەشی خستووەتەڕوو، بەفر بارین سەرجەم ناوچە شاخاوییەکان دەگرێتەوە و هەروەها لە ناوچە شاخاوییە بەرزەکان بەفری زیاتر دەبارێت.

بەرزترین پلەکانی گەرمای پێشبینیکراو بە پلەی سیلیزی:

هەولێر:١٥پلەى سیلیزى

سلێمانی:١٢ پلەیسیلیزى

دهۆک:١٢پلەى سیلیزى

کەرکوک:١٦پلەى سیلیزى

زاخۆ:١٢پلەى سیلیزى

هەڵەبجە : ١٣ پلەى سیلیزى

حاجی ئۆمەران: ٠ پلەى سیلیزى

سۆران: ١١ پلەی سیلیزى

گەرمیان:٢٠پلەى سیلیزى.