ڤیتامین B یەکێکە لە گرنگترین ڤیتامینەکان کە بەرپرسە لە باشتر کارکردنی دەمارەکان و وزەی گشتی جەستە، ڕۆڵێکی گرنگ و سەرەکی دەگێڕن لە میتابۆلیزم و رێکخستنی جەستەدا.

لە ڕاپۆرتێکدا کە لە ماڵپەری " consensus" بڵاوکراوەتەوە ڕوونیکردووەتەوە کە ڤیتامین بی چەندین سوودی هەیە بۆ تەندروستی لەوانە باشترکردنی تەندروستی مێشک و دەمارەکان، کەمکردنەوەی فشاری ئۆکسجین، میتابۆلیزم و هەڵمژینی خۆراک باشتر دەکات و ئاستی وزە بە درێژایی ڕۆژ بەرز دەکاتەوە.

هەروەها ڤیتامینBیارمەتی باشترکردنی توانای جەستەیی و کەمکردنەوەی ماندوێتی گشتی دەدات.

هەروەک توێژینەوەکان ئاماژەیان پێکردووە و پشتڕاستیان کردووەتەوە ئەم ڤیتامینە باشترە لە بەیانیاندا بخورێت، چونکە تاڕادەیەکی زۆر بەرپرسە لە بەرزکردنەوەی پرۆسەی خۆراکی و میتابۆلیزم و زیادکردنی ئاستی فۆلیک ئەسید لە جەستەدا، خواردنی ڤیتامین بی لە بەیانی زوودا یارمەتی بەرزکردنەوەی ئاستی وزە دەدات بە درێژایی ڕۆژ هەروەها ئاستی شەکر لە خوێندا زۆر بە باشی کۆنتڕۆڵ دەکات.