بڕیارە ئەمساڵ ئەپڵ پێنج ئایفۆنی نوێ بخاتە بازاڕەوە، ئاماژەش هەیە کە نرخی ئایفۆن لە ساڵی ٢٠٢٥ بەرزبێتەوە، بەتایبەتی پێشبینی دەکرێت بۆ ئایفۆن SE و زنجیرەی ئایفۆن ١٧.

بەپێی ڕاپۆرتێکی ماڵپەڕی 9TO5Mac، زیادبوونی پێشبینیکراوی زنجیرەی ئایفۆن ١٧ بۆ دوو هۆکاری سەرەکی دەگەڕێتەوە، ئەوانیش:

١. گەشەسەندنی خواست لەسەر ئایفۆنە گرانبەهاکان، بەتایبەت مۆدێلەکانی ئایفۆن پرۆ کە هەمیشە نرخیان بەرزە و هەمیشە لەنێو کڕیاراندا بەناوبانگ بووە، بەپێی کۆمپانیای Counterpoint، لە ساڵی رابردوو مۆدێلەکانی ئایفۆن Pro بە شێوەیەکی بەرچاو گەشەی کردووە.

٢. چاوەڕوان دەکرێت ئەپڵ نرخی زنجیرەی ئایفۆن 17 بەرز بکاتەوە بەو پێیەی کۆمپانیاکە مۆدێلێکی نوێی ئایفۆن لە زنجیرەکەدا دەناسێنێت کە ناوی ئایفۆن "ئێر"ـە، ئایفۆن ئێر وەک جێگرەوەی مۆدێلەکانی پڵەسە، بەڵام ئەوە بەو مانایە نییە کە بە هەمان نرخ دێت، ئایفۆن ئێر تەنکترین ئایفۆنی ئەپڵە، ئەوەندە ئاست بەرز دەبێت کە لە مۆدێلی پرۆ گرانتر دەبێت.