کۆشکێکی مێژوویی هۆڵیوود بەتەواوی سووتا، دوای زیاتر لە سەدەیەک لەبەکارهێنانی بۆ فیلم و زنجیرە تەلەفزیۆنییەکان، ئەمەش دوای ئەوەی ئاگرە گەورەکەی کالیفۆرنیا کە دوو رۆژە بەردەوامە، تەشەنەی کردووە بۆ ناوچەکانی خوارووی هۆڵیوود.

ئاگرە گەورەکەی لۆس ئەنجلس، کە تا ئێستاش لە بەرزاییەکانی باکوور و رۆژئاوای ئەمریکا بەردەوامە، بووەتە هۆکاری زیانێکی زۆر بۆ ئەو وڵاتە و ویلایەتی کالیفۆرنیا، شاری لۆس ئەنجلیش بەتایبەت، زیانەکان تاوەکو ئێستا بە نزیکەیی ٧٠ بۆ ٨٠ ملیار دۆلارە.

ئاگرەکە ماوەی چوار رۆژە بەردەوامە لە کالیفۆرنیا و چەندین موڵکی ناودارانی هۆڵیوودی لەناوبردووە، لەوانە پاریس هیڵتن، جۆن گودمان، تینا نۆلز، دایکی گۆرانیبێژ بیۆنسێ، تەواوی کەلوپەل و خانووەکەیان لەدەستداوە لەم ئاگرکەوتنەوەیەدا، هەروەها هەزاران کەسی ناوچەکەش ماڵەکانیان وێران بووە و شوێنەکانیان بەجێهێشتووە.

یەکێک لە شوێنەکان کە سووتاوە بە تەواوی، کۆشکێکی ١٠٠ ساڵەیە لە ناوچەی سینەمایی هۆڵیوود، کە سینەماکاران بەکاریان دەهێنا وەک شوێنێکی مێژوویی لە فیلم و زنجیرەکاندا.