بامێ سوودی بێشوماری تەندروستی هەیە بەو پێیەی دەوڵەمەندە بە ڤیتامین و کانزا و دژە ئۆکسێنەرە گرنگەکان.

لە بابەتێکی ماڵپەڕی " stylecraze" بڵاو کراوەتەوە، بامێ چەندین سوودی سەرسوڕهێنەری هەیە بۆ قژ کە کە کاردەکات بۆ شێدارکردن و نەرمکردنەوە قژ ئەمەش دەبێتە هۆی کەمکردنەوەی هەڵوەرینی قژ بەم شێوەیەش تەندروستی قژ باشتر دەکات.

ئەو پێکهاتانەی لەناو بامێدا هەیە کاردەکات بۆ شێدارکردنی قژ بە قووڵی، ئەمەش وشکبوونەوە و شکانی قژ کەمدەکاتەوە هەروەها کاردەکات بۆ نەرمکردنی قژ، وادەکات قژەکە نەرمتر و بریقەدارتر بێت.

هەروەها هەستیاری پێستی سەر کەمدەکاتەوە یارمەتی هێورکردنەوەی قژ دەدات، لەگەڵ ئەوەشدا یارمەتی خۆراکدانی پێستی سەر دەدات و ئەو ڤیتامین و کانزایانەی بۆ دابین دەکات کە پێویستیانە، ئەمە جگە لەوەی قژ لە تێکچوون دەپارێزێت و لە ڕەگەوە بەهێزی دەکات.

شێوازی ئامادەکردنی ماسکی بامێ:

بامێکە بە باشی بشۆرەوە و پارچە پارچەی بچوکی بکە.

پاشان بامێکە بخەرە ناو مەنجەڵێکەوە کە بڕێکی پێویست ئاوی تێدا بێت و بۆ ماوەی ١٥-٢٠ خولەک بەجێی بهێڵە تا دەکوڵێت و نەرم دەبێتەوە.

دواتر ئاوی بامێکە پاڵاوتە بکە.

بە ئاوەکە پێستی سەر و قژت مەساج بکە و بۆ ماوەی ٣٠ خولەک بەجێی بهێڵە.

لە کۆتاییدا قژت بە ئاوی شلەتێن و شامپۆ بشۆ.