مرۆڤ بەردەوام هەوڵدەدات رێگەیەکی راست و دروست بگرێت کە بەرەو سەرکەوتنی ببات، کاتێکیش هەنگاو بۆ سەرکەوتن دەنێت نازانێت ئایا ئەو رێگەیەی هەڵیبژاردووە رێگە راستەکەیە یان هەڵە.

کۆمەڵێك نیشانە و ئاماژە هەن کە دەریدەخەن لەسەر رێگەیەکی راستیت و ئەگەر بەردەوام بیت و کۆڵنەدەیت سەرکەوتوو دەبیت و دەگەیت بەوەی کە دەتەوێت، وەك لە بابەتێکی ماڵپەڕی "linkedin"دا باسکراوە، دیارترینیشیان ئەمانەن:

١. خەڵك بە بەردەوامیی رەخنەت لێدەگرن، کەمن ئەوانەی کە لەناخەوەی باشی کەسانی دیکەیان دەوێت، بەڵكو تەنانەت ئەگەر ببینن کەسێك لەڕێگەیەکی باشدایە و بەرەو سەرکەوتن دەڕوات ساردی دەکەنەوە، کاتێکیش لەسەر رێگەیەکی باشیت و هەنگاوی گەورە دەنێیت کەسی لەم جۆرە زۆر لە دەورت کۆدەبنەوە.

٢. لەدوای هەموو کەوتنێك هەڵدەستیتەوە، دەزانیت کە شکست کۆتایی نیە، تەنانەت سەرکەوتن بەبێ شکست نایەت، و دەبێت بەردەوام بیت لە هەوڵدان.

٣. رۆژانە رووبەڕووی ئاستەنگی و رکابەری دەبیتەوە، دەزانیت کە ئەگەر بتەوێت شتێك بەدەست بهێنیت دەبێت ماندوو ببیت و قوربانیی بدەیت و کۆڵنەدەیت.