کۆمپانیای ئیکۆپیسی کۆریای باشوور بەلەمێکی خۆری پەرەپێداوە
کە بە AI کاردەکات و ڕۆژانە بڕێکی زۆر لە ئاوی ڕووبارەکان
پاکدەکاتەوە.
لە هەواڵێکی تەکنەلۆژی ماڵپەری MSN باسی دەکات کە کۆمپانیا کۆرییەکە بەلەمەکەی وەک چارەسەرێکی زیرەکی کوالیتی بەرز
بۆ دەریاچە و کۆگاکان و پێداویستییەکانی خواردنەوە لە ناوخۆ و نێودەوڵەتیدا دیزاین
کردووە.
هەروەها بەلەمەکە سەکۆیەکی ٣٦٠ پلەیە بۆ بینینی ڕووبارەکان
هەیە. لە ئەنجامدا گەشتیارەکان دەتوانن سەربکەون و لە ناو سروشتدا بگەڕێن.
بەلەمە سیستەمی زیرەکی دەستکرد بەکاردەهێنێت و ئەو سیستەمە
ڕۆژانە پیسبووەکانی دوو ملیۆن و 500 هەزار لیتر ئاو دەدۆزێتەوە و دەی پاڵێوێت لە هەمان
کاتدا خۆی لە ئاستەنگەکان بەدوور دەگرێت.لە هەمانکاتیشدا گەشتیارەکان بە ئاسوودەی
لە ناویدا دادەنیشن،بە ٣٠ خولەک
گەڕان ئەم بەلەمە کاری خۆی جێبەجێ دەکات و ئاوی شیرین دروستدەکات
لە ئەنجامدا پێدەچێت کۆمپانیاکە شۆڕشێک لە کەرتی بەرهەمهێنانی ئاوی شیرین بکات بە بەرزکردنەوەی کوالیتی ئاو لە سەرانسەری جیهاندا.